2025 жылдың 20-23 ақпан аралығында Алматы қаласындағы «Атакент» кешенінде Республикалық ғылыми-тәжірибелік «Дарын» орталығы Орталық Азиядағы USTEM Foundation қорымен бірлесіп, Қазақстан Республикасы Оқу-ағарту министрлігінің қолдауымен ұйымдастырған «First Robotics Almaty Tech Cup 2025, Central Asia FIRST Championship & Drone Racing» атты робототехника бойынша республикалық ғылыми жобалар байқауы өтті.

Халықаралық инженерлік-технологиялық университеті (METU) іс-шараның серіктесі ретінде талантты оқушыларды қолдап, робототехника және инженерлік технологиялар саласында ерекше қабілеттерін көрсеткен жас дарындарға қолдау білдірді. Байқау аясында METU ең перспективті қатысушыларға университетте білім алу үшін 6 ректорлық грант табыстады.

METU ректорлық грант иегерлері:

• Артурұлы Рүстем
• Сейтан Жанасыл
• Бексұлтан Мұхамед
• Жанат Елзат
• Жанас Гауһар
• Ережеп Ернұр

Байқауға 12 елден 2800 оқушы қатысты, олардың қатарында Қазақстан, Әзербайжан, Моңғолия, Қырғызстан, Тәжікстан, Үндістан, Түрікменстан, Өзбекстан, БАӘ, Сауд Арабиясы, Тайвань және Марокко болды. Сайыс төрт категория бойынша өткізілді:

• FIRST LEGO League Discover (4-6 жас)
• FIRST LEGO League Explore (6-10 жас)
• FIRST LEGO League Challenge (10-16 жас)
• FIRST TECH Challenge (12-18 жас)

METU дарынды жастарды қолдау арқылы олардың инженерлік және техникалық дағдыларын дамытуға, сондай-ақ болашақ студенттердің армандарын жүзеге асыруына көмектесуге мақтанышпен үлес қосуда.