«Бағдарламалық инженерия» кафедрасының лекторы Лаура Демеубаева Стамбұл техникалық университетінде (İTÜ) ұйымдастырылған «AI-powered Educational Platforms: A New Era of Digital Learning» атты халықаралық біліктілікті арттыру курсын сәтті аяқтады.

Курс жасанды интеллектке негізделген жаңа буын білім беру платформаларын зерттеуге және оларды енгізуге бағытталды. Оқу барысында Лаура Демеубаева бейімделген оқыту құралдары, студенттердің үлгерімін талдайтын интеллектуалды жүйелер және жекелендірілген оқу траекториялары сияқты маңызды бағыттармен танысты. Бұл – білім беру жүйесінің цифрлық трансформация жағдайында аса өзекті тақырыптар.

Алынған білім мен тәжірибелік дағдылар оқытушылық қызметте қолданылып, университеттің цифрлық білім беру ортасын дамытуға ықпал етпек. Сонымен қатар, бұл құзыреттер оқу үдерісінің тиімділігін арттырып, инновациялық оқыту тәсілдерін енгізуге мүмкіндік береді.

Кафедра ұжымы Лаура Демеубаеваны бағдарламаны сәтті аяқтауымен құттықтап, оның халықаралық білім беру бастамаларына белсенді қатысуы университеттің академиялық дамуына оң әсер етеді деп сенеді.