Халықаралық инженерлік-технологиялық университеті (МИТУ) Түркияның Кастамону университетімен (Kastamonu University, Türkiye) бірлесіп «Туризм» бағыты бойынша қос дипломды білім беру бағдарламасының ашылғанын хабарлайды.

Бағдарлама табиғи туризмге маманданған және барлық кафедралары толық аккредитациядан өткен Кастамону университетінің туризм факультетімен бірлесіп жүзеге асырылады. «Туризмді басқару» кафедрасы ағылшын тілінде оқытуды ұсынады, бұл студенттерге халықаралық білім алып, жаһандық еңбек нарығында бәсекеге қабілетті болуға мүмкіндік береді.

Бағдарламаның негізгі мақсаты – халықаралық туристік индустрияда тиімді жұмыс істей алатын білікті мамандарды даярлау. Бірлескен бастама студенттерге халықаралық стандарттарға сай білім алып, нарықта сұранысқа ие практикалық дағдыларды игеру мүмкіндігін береді.

Бұл ынтымақтастық Қазақстан мен Түркия арасындағы академиялық байланысты нығайтып, екі елдің студенттері мен оқытушылары үшін жаңа мүмкіндіктерге жол ашады.