Оқу тәжірибесі аясында “Тағам өндірісінің техникасы және технологиясы” кафедрасының білім алушылары еліміздегі ең ірі және беделді кәсіпорындардың бірі - Galanz Bottler’s компаниясына экскурсия жасап қайтты.

Кәсіпорын студенттер және оқытушылар үшін жоғары деңгейде сапар ұйымдастырды: фирмалық автобус қатысушыларды кәсіпорынға жеткізіп, экскурсия аяқталғаннан кейін университетке қайтып әкелді.

Экскурсия барысында кәсіпорынның экскурсоводы өндірістік үдерістер, заманауи жабдықтар және жұмыс қағидаттары туралы жан-жақты ақпарат берді. Galanz Bottler’s заманауи автоматтандырылған өндірісімен және өндірістік процестердің жоғары деңгейде ұйымдастырылуымен студенттерге үлкен әсер қалдырды.

Экскурсия кезінде айтылған және бүкіл Қазақстан жұртшылығын таңғалдырған жаңалық ерекше назар аудартты: кәсіпорын басшысы қарапайым жұмысшыларына 100 пәтер сыйға тартқан. Бұл әрекет - әлеуметтік жауапкершілік пен еңбек адамына деген зор құрметтің айқын үлгісі.

Көптеген студенттер экскурсиядан кейін дәл осы кәсіпорында болашақта жұмыс істеу туралы байсалды түрде ойлана бастағандарын атап өтті. Осындай тәжірибелік іс-шаралар білім алушылардың практикалық ойлау қабілетін қалыптастырып, кәсіби мотивациясын арттыруға ықпал етеді. Бұл - болашақ мамандарды даярлауда аса маңызды фактор.

Кафедра Galanz Bottler’s кәсіпорнының басшылығына жылы қабылдауы мен нәтижелі ынтымақтастығы үшін алғыс білдіреді. Осындай ірі және әлеуметтік жауапкершілігі жоғары кәсіпорынмен серіктестік орнатқанымызға қуаныштымыз!