Романды BMG Upskill – Coursera білім беру платформасының Қазақстандағы эксклюзивті серіктесі өкілдері рекордтық сертификаттар санына орай құттықтады. Оған сыйлықтар мен ресми Certificate of Achievement табысталды.

Степанец Роман — талантты әрі мақсатшыл студент, ол дәстүрлі білім алу шеңберінде ғана шектелмейді. Соңғы екі айда ол Coursera платформасында 260 онлайн курсты сәтті аяқтап, сертификаттарға ие болды. Оның жетістіктері әртүрлі салаларды қамтиды: бағдарламалау мен деректерді талдаудан бастап психология, бизнес және жасанды интеллектке дейін.

Романның ерекшелігі — тек курстар саны ғана емес, сонымен қатар алған білімінің тереңдігі. Ол Stanford, Yale, Michigan университеттері секілді әлемдік жетекші оқу орындарының курстарын таңдады және алған білімін іс жүзінде қолданады: жобаларға қатысады, басқа студенттерге көмектеседі, мақалалар жазады, студенттік форумдарда сөйлейді.

«Мен үшін өзін-өзі оқыту – міндет емес, өмір салты. Coursera маған әлемнің үздік оқытушыларына қолжетімділік ашты, мен осы мүмкіндікті барынша пайдалануға тырыстым», — дейді Роман.

Бүгінгі таңда Роман — заманауи технологиялар мен білімге құштарлық адамның тағдырын өзгерте алатындығының жарқын мысалы. Ол дамуын жалғастырады, халықаралық компанияларда тағылымдамаларға қатысуды жоспарлап, тәжірибесімен бөлісіп, өз қатарластарына өзін-өзі оқытуға шабыт береді.