2025 жылдың 26 маусымында Халықаралық инженерлік-технологиялық университеті (МИТУ) Қытай Халық Республикасының Чанчжоу Лю Гоцзюнь атындағы жоғары техникалық институтымен және Бейжіңдегі Huatec білім беру компаниясының өкілдерімен онлайн кездесу өткізді. Кездесудің мақсаты — білім беру, ғылым және мәдениет салаларында стратегиялық серіктестік орнату.

Қытай тарапынан кездесуге ректор Линь Чунь, проректор Лю Хунлян және халықаралық ынтымақтастық бөлімінің директоры Сюй Цзюнь қатысты. Huatec компаниясы атынан білім беру қызметтері жөніндегі директор, PhD Сюй Чаожань және менеджер Цзян Дундун қатысып, баяндама жасады.

Кездесу барысында тараптар өз оқу орындары мен компанияларын таныстырып, халықаралық қызметтегі ағымдағы бастамалар бойынша ақпарат алмасты және келесі бағыттар бойынша ынтымақтастықты дамытуды жоспарлады:

• Кадрларды бірлесіп даярлау;

• Оқытушылар мен студенттер алмасуы;

• Ғылыми-зерттеу ынтымақтастығы;

• Huatec компаниясының гуманитарлық және білім беру жобаларын (соның ішінде «Цинши» бағдарламасы бойынша) жүзеге асыру;

• Білім беру бағдарламалары мен стандарттарын бірлесіп сертификаттау;

• Ортақ мәдени іс-шараларды ұйымдастыру.

Онлайн кездесу достық және сындарлы атмосферада өтті, қатысушылар естелік фотоға түсіп, ынтымақтастықты одан әрі нақты форматтарда жалғастыруға келісті.