«Облачные вычисления и виртуализация» пәнін аяқтау аясында METU студенттері «Академсеть» дата-орталығына оқу-тәжірибелік экскурсия жасады. Экскурсия барысында студенттер бұлтты есептеулер мен виртуализация технологияларының нақты өндірістік ортада қалай қолданылатынын өз көздерімен көрді.

Дата-орталық мамандары студенттерге дата-орталықтың жұмыс қағидаларын, серверлік инфрақұрылымның ұйымдастырылуын, виртуализация жүйелерін және бұлтты сервистерді орналастырудың нақты мысалдарын жан-жақты таныстырды.

Практикалық танысу барысында студенттер:

серверлік жабдықтардың құрылымымен танысты;

желілік инфрақұрылымның архитектурасын зерттеді;

виртуалды машиналарды басқару әдістерін үйренді;

деректерді сақтау және өңдеу технологияларын қарастырды.

Бұл экскурсия теориялық білімді бекітіп қана қоймай, IT-инфрақұрылым және бұлтты технологиялар саласында болашақ кәсіби қызметке қажетті практикалық дағдыларды қалыптастыруға ықпал етті.