2026 жылғы 2–7 ақпан аралығында Халықаралық инженерлік-технологиялық университетінде (METU) РФ Үкіметі жанындағы Қаржы университетінің (Мәскеу қ.) «Банк ісі және монетарлық реттеу» кафедрасының доценті, экономика ғылымдарының кандидаты, доцент Ниязбекова Шакизада Өтеуілқызының қонақ дәрістері өтуде.

Сапар аясында «Есеп және аудит», «Қаржы», «Ақпараттық технологиялар және инженерлік экономика» білім беру бағдарламаларының студенттеріне қазіргі заманғы қаржы және банк саласының өзекті мәселелері бойынша дәрістер оқылуда, атап айтқанда:

• қаржылық сауаттылық;
• кибертәуекелдер және қаржылық алаяқтық;
• жаһандық трендтер және жасанды интеллект;
• ESG-тәсілдер, коммерциялық банктердің «жасыл» жобалары мен «жасыл» несиелері;
• ислам банктері – әлемдік қаржы жүйесінің қарқынды дамып келе жатқан сегменті.

Қонақ дәрістер студенттердің тәжірибеге бағытталған білімін дамытуға, қаржылық мәдениетін арттыруға және жоғары оқу орындары арасындағы академиялық ынтымақтастықты нығайтуға бағытталған.