2025 жылғы 10 желтоқсанда Халықаралық инженерлік-технологиялық университеті (METU) мен Баку мемлекеттік университеті (Baku State University, Әзербайжан) арасында академиялық алмасуды, бірлескен білім беру бағдарламалары мен ғылыми зерттеулерді дамытуға бағытталған ынтымақтастық туралы келісімге қол қойылды.

Аталған келісімді жүзеге асыру аясында 2026 жылғы 15 ақпанда METU студенттері көктемгі семестрге академиялық ұтқырлық бағдарламасы бойынша Baku State University университетіне оқуға аттанады. Бағдарлама бейіндік пәндер бойынша білім алуды, академиялық тәжірибе алмасуды, сондай-ақ қабылдаушы университеттің білім беру және ғылыми ортасымен танысуды қамтиды.

Академиялық ұтқырлық бағдарламаларын жүзеге асыру білім алушылардың кәсіби құзыреттерін кеңейтуге, мәдениетаралық коммуникацияны дамытуға және түлектердің халықаралық еңбек нарығындағы бәсекеге қабілеттілігін арттыруға ықпал етеді.

Университет басшылығы Baku State University университетімен ынтымақтастық студенттер мен оқытушылар үшін жаңа мүмкіндіктер ашып, METU-дың халықаралық байланыстарын нығайтуға және бірлескен білім беру мен ғылыми бастамаларды дамытуға ықпал ететінін атап өтті.