2026 жылғы 10 наурызда METU университеті Павлодар қаласында өткен «BILIMDI KELESHEK – II» халықаралық білім беру көрмесіне қатысты.

Көрмеге жетекші білім беру ұйымдары мен жоғары білім алуға қызығушылық танытқан болашақ талапкерлер жиналды. Іс-шара барысында METU университетінің өкілдері мектеп оқушылары мен олардың ата-аналарына университеттің білім беру бағдарламалары, оқу мүмкіндіктері және оқуға түсу шарттары туралы ақпарат берді.

Көрме қонақтары METU университетінде білім алудың артықшылықтары, студенттік өмір, академиялық ұтқырлық, тағылымдамалар және кәсіби даму мүмкіндіктері туралы толық мәлімет алды.

Осындай білім беру көрмелеріне қатысу университеттің кәсіби бағдар беру жұмысының маңызды бөлігі болып табылады және болашақ талапкерлерге METU университетінің мүмкіндіктерімен танысуға мүмкіндік береді.

           Автор: Мусақызы Жания