Халықаралық деңгейде өткен Narxoz Chess Cup–2026 шахмат турнирінде Халықаралық инженерлік-технологиялық университетінің Бағдарламалық инженерия кафедрасының студенттері жоғары нәтиже көрсетіп, жалпы командалық есепте 15-орынға ие болды.

Аталған турнирге еліміздің және шетелдің жетекші жоғары оқу орындарының үздік студенттері қатысып, интеллектуалдық бәсекеде өзара сынға түсті. Осындай жоғары деңгейдегі додада лайықты нәтиже көрсету – үлкен жетістік.

Кафедра намысын қорғаған студенттер:

Канабатыров Темирлан Нурланович (ПИ-23-1.4к)

Кочерга Даниил Александрович (ПИ-25-1.4р)

Кудретбеков Бауыржан Бахытжанұлы (М-ПИ-25-1р)

Олар турнир барысында жоғары стратегиялық ойлау қабілетін, төзімділік пен логикалық талдау дағдыларын көрсете білді. Әрбір қатысушы – кафедрамыздың мақтанышы.

Бағдарламалық инженерия кафедрасы студенттердің тек техникалық біліммен ғана шектелмей, жан-жақты дамуына ерекше мән береді. Мұндай жарыстар студенттердің аналитикалық ойлауын дамытып, жаңа белестерді бағындыруға ынталандырады.

Қатысушыларды шын жүректен құттықтаймыз және алдағы жарыстарда бұдан да жоғары жетістіктер тілейміз!