2026 жылғы 16–18 сәуір аралығында Алматы қаласындағы Халықаралық инженерлік-технологиялық университетінде Ғылым онкүндігі – 2026 аясында «Болашақ инженериясы: ғылым, технологиялар, жасанды интеллект» атты халықаралық ғылыми-тәжірибелік конференция өтті.

Конференция ғылым, технологиялар және жасанды интеллекттің дамуындағы өзекті мәселелерді талқылауға, сондай-ақ озық тәжірибе алмасуға мүмкіндік берген маңызды ғылыми алаңға айналды. Іс-шараға ғалымдар, оқытушылар, докторанттар, магистранттар мен студенттер қатысты.

Конференция жұмысы келесі форматта ұйымдастырылды:

• пленарлық отырыс;
• ғылыми бағыттар бойынша секциялық отырыстар;
• постерлік баяндамалар.

Конференция барысында жасанды интеллект және цифрлық трансформация, энергетиканың тұрақты дамуына арналған инженерлік технологиялар, цифрлық экономика, агроөнеркәсіптік кешен, биотехнологиялар және цифрлық дәуірдегі қоғам дамуы бағыттарында ғылыми зерттеулер ұсынылды.

Конференция гибридті форматта өтіп, қатысушыларға офлайн және онлайн түрде қатысуға мүмкіндік берді, сондай-ақ ғылыми ынтымақтастықтың географиясын кеңейтті.

Секциялық отырыстар қорытындысы бойынша үздік баяндамалар анықталды:

Қабылданған барлық жұмыстар конференция материалдарының электрондық жинағында жарияланады, ал үздік мақалалар ғылыми басылымдарға ұсынылады.

Аталған конференция университеттің жоғары ғылыми әлеуетін және инновациялар мен халықаралық ынтымақтастықты дамытуға бағытталған ұстанымын айқындады.