2026 жылғы 3–11 маусым аралығында кафедрада «6В11201 – Тіршілік қауіпсіздігі және қоршаған ортаны қорғау» және «6В07101 – Органикалық заттардың химиялық технологиясы» білім беру бағдарламалары түлектерінің қорытынды аттестаттауы өтті.

«6В11201 – Тіршілік қауіпсіздігі және қоршаған ортаны қорғау» білім беру бағдарламасы бойынша қорытынды аттестаттауға 23 студент жіберілді. Кешенді емтиханды 17 түлек тапсырды: оның ішінде 1 студент «өте жақсы», 15 студент «жақсы», 1 студент «қанағаттанарлық» баға алды. Дипломдық жұмыстарын 6 студент сәтті қорғады, олардың 5-еуі «өте жақсы», 1-еуі «жақсы» бағасына ие болды. Комиссия ұсынылған зерттеулердің өзектілігін, түлектердің жоғары дайындық деңгейін және олардың тіршілік қауіпсіздігі мен қоршаған ортаны қорғау саласындағы кәсіби міндеттерді шешуге дайындығын атап өтті.

Кешенді емтихан барысында түлектер органикалық заттардың химиялық технологиясы, өндірістік технологиялық үдерістер, өнім сапасын бақылау, сондай-ақ өнеркәсіптік және экологиялық қауіпсіздік мәселелері бойынша білімдерін көрсетті.

Қорытынды аттестаттау комиссиясының қорытындысы бойынша түлектердің даярлық деңгейі білім беру бағдарламасының талаптарына және саланың заманауи талаптарына сәйкес келеді. Алынған нәтижелер жас мамандардың химия және мұнай-химия өнеркәсібінде, ғылыми-зерттеу және өндірістік ұйымдарда кәсіби қызмет атқаруға дайын екендігін растады.

Түлектерді оқу жолындағы маңызды кезеңнің сәтті аяқталуымен құттықтаймыз! Сіздерге кәсіби жетістіктер, мансаптық өсу, жаңа ғылыми жаңалықтар және алған білімдеріңізді отандық ғылым мен өнеркәсіптің дамуы жолында табысты қолдануды тілейміз!