2026 жылғы 18–19 тамызда «Бағдарламалық инженерия» кафедрасының оқытушылары әл-Фараби атындағы Қазақ ұлттық университетінде өткен «Қытай–Қазақстан: интеллектуалды есептеулер және жасанды интеллект саласындағы инновациялар» халықаралық симпозиумына қатысты.

       Симпозиум Қазақстан мен Қытайдың жоғары оқу орындары, ғылыми қауымдастық және IT саласы өкілдерінің басын қосты. Іс-шара аясында сарапшылар жасанды интеллект саласындағы өзекті зерттеулер, заманауи технологиялар және оның даму перспективалары туралы баяндамалар жасады.

     Бағдарламаның практикалық бөлімдерінің бірі Alibaba Cloud мамандарының AI-агенттерге және оларды заманауи интеллектуалды жүйелерде қолдану мүмкіндіктеріне арналған семинары болды.

        Симпозиумға қатысу оқытушыларға жасанды интеллект саласындағы заманауи үрдістермен танысуға, кәсіби тәжірибе алмасуға, сондай-ақ жетекші университеттер мен IT-индустрия өкілдерімен ғылыми және академиялық байланыстарды кеңейтуге мүмкіндік берді.