Алматы күніне орай METU ғылыми кітапханасында «Алматы – мүмкіндіктер қаласы» атты кітап көрмесі ұйымдастырылды. Көрмеге Алматы қаласының қалыптасу тарихы, сәулеті, мәдениеті, көрнекті тұлғалары, сондай-ақ қаланың қоғамдық және әлеуметтік дамуы туралы кітаптар мен танымдық басылымдар қойылды. Оқырмандар назарына қала тарихына арналған «История Алматы в документах», «Алматының тарихы», «Алматы көшелері», «100 впечатлений об Алматы», «Мың жасаған Алматы», «Алматы – любимый город» сияқты құнды еңбектер ұсынылды. Бұл басылымдар арқылы оқырмандар қаланың өткені мен бүгініне көз жүгіртіп, Алматының тарихи қалыптасуы, мәдени мұрасы мен даму жолы туралы мол мағлұмат ала алады. Алматы – тарих пен жаңашылдық, дәстүр мен заманауилық тоғысқан ерекше қала. Оның әрбір көшесі мен ғимаратында, әрбір тарихи кезеңінде қаланың өзіндік шежіресі жатыр. Кітап көрмесі – осы бай тарих пен рухани мұраны оқырманға таныстырудың бір мүмкіндігі.

METU ғылыми кітапханасы барша Алматы тұрғындарын Алматы күнімен шын жүректен құттықтайды!
Қаламыздың мерейі үстем, шаңырағы биік, болашағы жарқын болсын!