Халықаралық инженерлік-технологиялық университетінде (METU) білім алушылардың «Маревен Фуд Тянь-Шань» компаниясының өкілдерімен кездесуі өтті.

Кездесу барысында компания өкілдері кәсіпорын қызметінің негізгі бағыттарымен таныстырып, кәсіби практикадан өту, ақылы тағылымдамадан өту және кейіннен жұмысқа орналасу мүмкіндіктері туралы ақпарат берді.

Сондай-ақ компаниядағы өзекті бос жұмыс орындары, үміткерлерге қойылатын талаптар және жұмыс беруші тарапынан сұранысқа ие кәсіби құзыреттер туралы айтылды. Білім алушылар өздерін қызықтырған сұрақтарын қойып, компаниядағы мансаптық мүмкіндіктер туралы толық ақпарат алды.

Кездесуді METU Мансап орталығы CareerTalks іс-шаралар сериясы аясында ұйымдастырды. Іс-шара университет пен жұмыс берушілер арасындағы ынтымақтастықты дамытуға, білім алушылардың кәсіби практикадан өту мүмкіндіктерін кеңейтуге және олардың жұмысқа орналасуына жәрдемдесуге бағытталған.