2026 жылғы 20 қазанда Халықаралық инженерлік-технологиялық университетінде (МИТУ) «Радиотехника, электроника және телекоммуникациялар» білім беру бағдарламасының түлектерімен кездесу ұйымдастырылды.

Кездесудің негізгі мақсаты – студенттерге болашақ кәсіби қызметтері туралы түсінік қалыптастыру, еңбек нарығындағы мүмкіндіктермен таныстыру және университет түлектерінің тәжірибесі арқылы кәсіби бағдар беру.

Іс-шара барысында МИТУ түлектері өздерінің еңбек жолы, кәсіби қалыптасу кезеңдері, қазіргі қызмет бағыттары және жұмысқа орналасу тәжірибелері туралы әңгімеледі. Сонымен қатар, олар өндірістік практикадан өтудің маңыздылығына, теориялық білімді тәжірибеде қолдануға, кәсіби дағдыларды дамытуға және еңбек нарығында сұранысқа ие маман болу жолдарына тоқталды.

Кездесу барысында студенттерді практикадан өту мүмкіндіктері, жұмысқа орналасу талаптары, жұмыс берушілердің жас мамандарға қоятын талаптары және кәсіби мансапты қалыптастыру мәселелері қызықтырды. Түлектер студенттердің сұрақтарына жауап беріп, өз тәжірибелеріне негізделген пайдалы кеңестерімен бөлісті.

Мұндай кездесулер білім алушылар мен жұмыс берушілер арасындағы байланысты нығайтуға, студенттердің кәсіби қызығушылығын арттыруға және болашақ мамандықтарына деген сенімділігін қалыптастыруға ықпал етеді.

МИТУ түлектерінің жетістіктері – университетте алған білім мен кәсіби дайындықтың еңбек жолындағы жалғасы. Университет өз түлектерімен байланысын дамытып, олардың тәжірибесін қазіргі студенттер үшін пайдалы кәсіби бағдар көзі ретінде пайдалануға ерекше мән береді.