Жалпы ережелер

Халықаралық инженерлік-технологиялық университетінің «Стильді бағбандар» ғылыми үйірмесі бастамашыл, ауыл шаруашылығы мен экологияға қызығушылық танытатын және кәсіби дамуға ұмтылатын білім алушылардың ерікті ғылыми-шығармашылық бірлестігі болып табылады.

Үйірме өз қызметін еріктілік, тең құқықтылық, академиялық адалдық, өзара құрмет, қауіпсіздік, өзін-өзі басқару және Қазақстан Республикасының заңнамасын сақтау қағидаттары негізінде жүзеге асырады. Үйірме заңды тұлға болып табылмайды.

Үйірменің миссиясы

Жеміс-көкөніс шаруашылығы, өсімдік шаруашылығы және агротопырақтану салаларында студенттердің ғылыми қызығушылығын дамыту, экологиялық жауапты егіншілік мәдениетін қалыптастыру және агроөнеркәсіптік кешенге қажетті зерттеушілік құзыреттерді жетілдіру.

Үйірменің мақсаты

Топырақ құнарлылығын сақтау, ауыл шаруашылығы дақылдарын өсірудің заманауи технологияларын қолдану және табиғи ресурстарды ұтымды пайдалану бағыттарында теориялық білімі мен практикалық дағдылары қалыптасқан болашақ мамандарды даярлауға ықпал ету.

Негізгі міндеттері:

• Бақ және ауыл шаруашылығы өсімдіктерінің түрлік алуантүрлілігін зерттеу;
• Топырақтың агрохимиялық көрсеткіштері мен құнарлылығын бағалау;
• Қоректік элементтер мен тыңайтқыштардың өсімдіктердің өсуі мен өнімділігіне әсерін анықтау;
• Өсімдік аурулары мен зиянкестерін және пайдалы организмдердің экологиялық рөлін зерттеу;
• Топырақты қорғау, егіншілікті биологияландыру және цифрлық мониторинг тәсілдерін меңгеру;
• Ғылыми жобалар, баяндамалар және тәжірибелік зерттеу нәтижелерін дайындау.

Қызметінің негізгі бағыттары:

• Зертханалық және далалық тәжірибелер жүргізу;
• Топырақ пен өсімдік үлгілерін зерттеу;
• Экологиялық тұрақты бақ моделін әзірлеу;
• Ғылыми семинарларға, конференцияларға және студенттік байқауларға қатысу;
• Заманауи агротехнологиялар мен цифрлық бақылау құралдарын зерделеу.

Үйірме мүшелерінің құқықтары:

• Үйірме отырыстарына, зерттеулеріне және іс-шараларына қатысу;
• Жұмыс жоспарына және зерттеу тақырыптарына ұсыныс енгізу;
• Үйірме жұмысы туралы толық ақпарат алу;
• Жобаларды жеке немесе топ құрамында әзірлеу;
• Үйірмеден өз еркімен шығу.

Үйірме мүшелерінің міндеттері:

• Қауіпсіздік техникасы мен зертханалық жұмыс талаптарын сақтау;
• Үйірменің мақсаты мен міндеттерін орындауға үлес қосу;
• Бекітілген жұмыс жоспарын және академиялық адалдық қағидаларын сақтау;
• Тапсырмаларды жауапкершілікпен орындау;
• Үйірме мен университеттің беделіне нұқсан келтіретін әрекеттерге жол бермеу.

Үйірменің құрылымы және басқарылуы

Үйірменің ұйымдық құрылымына ғылыми жетекші, үйірме төрағасы, хатшы және мүшелер кіреді. Ғылыми жетекші қызметтің ғылыми-әдістемелік бағытын айқындайды, жұмыс жоспарын келіседі және зерттеулерге жетекшілік етеді. Төраға отырыстар мен іс-шараларды ұйымдастырады. Хатшы ішкі құжаттаманы, хаттамалар мен есептерді жүргізеді.

Үйірмеге мүшелік

Үйірме жұмысына тұрақты қатысуға дайын университет студенттері мен магистранттары мүше бола алады. Үйірменің дамуына үлес қосатын оқытушылар мен сала мамандары кеңесші немесе құрметті мүше ретінде шақырылуы мүмкін.

Үйірме мүшелері:

• Нурай Рысбекқызы — ПиАП-26-1к;
• Асем Бөрібай — ПиАП-26-1к;
• Ұлпан Қазақпай — ПиАП-26-1к;
• Мақпуза Шалқар — ПиАП-26-1к;
• Ділнұр Секен — ПиАП-26-1к;
• Парасат Нұрғалиқызы — ПиАП-26-1к.

2026–2027 оқу жылына арналған жұмыс жоспары: