Жалпы ережелер

Халықаралық инженерлік-технологиялық университетінің «Жас техник» ғылыми үйірмесі технологиялық машиналар мен жабдықтарға қызығушылық танытатын білім алушылардың ерікті ғылыми-техникалық бірлестігі болып табылады.

Үйірме өз қызметін еріктілік, тең құқықтылық, академиялық адалдық, қауіпсіздік, командалық жұмыс, өзін-өзі басқару және Қазақстан Республикасының заңнамасын сақтау қағидаттары негізінде жүзеге асырады. Үйірме заңды тұлға болып табылмайды.

Үйірменің миссиясы

Технологиялық жабдықтарды жаңғыртуда заманауи инженерлік әдістерді қолдану, студенттердің техникалық шығармашылығын дамыту және конструкторлық-технологиялық ойлауын қалыптастыру.

Үйірменің мақсаты

Технологиялық машиналар мен жабдықтарды құрастыру, пайдалану және жетілдіру саласында студенттердің теориялық білімін бекітіп, практикалық және зерттеушілік дағдыларын дамыту.

Негізгі міндеттері:

• Техникалық сызбалар мен модель элементтерін әзірлеуді үйрету;
• Сызбаларды материал бетіне түсіру және бөлшектерді дайындау тәсілдерін меңгерту;
• Металды кесу, түзету, ию, дәнекерлеу және тойтару дағдыларын қалыптастыру;
• Дайын бөлшектерден макеттер мен модельдер құрастыру;
• Машина жасауды цифрландыру бағытындағы заманауи шешімдерді зерделеу;
• Ғылыми-техникалық жобалар мен таныстырылымдар дайындау.

Қызметінің негізгі бағыттары:

• Практикалық конструкторлық және технологиялық жұмыстар;
• Техникалық және графикалық даярлық;
• Металл мен конструкциялық материалдарды өңдеу;
• Оқу модельдері мен жабдық макеттерін құрастыру;
• Инженерлік жаңалықтар мен кәсіби әдебиетті талқылау;
• Студенттік жобалар, көрмелер және ғылыми іс-шаралар.

Үйірме мүшелерінің құқықтары:

• Үйірме отырыстарына, жобаларына және іс-шараларына қатысу;
• Жұмыс жоспарына және отырыс тақырыптарына ұсыныс енгізу;
• Үйірме қызметі туралы толық ақпарат алу;
• Жеке немесе топтық техникалық жоба әзірлеу;
• Үйірмеден өз еркімен шығу.

Үйірме мүшелерінің міндеттері:

• Қауіпсіздік техникасын және жабдықпен жұмыс істеу талаптарын сақтау;
• Үйірменің мақсаты мен міндеттерін орындауға үлес қосу;
• Бекітілген жоспарды және академиялық адалдық қағидаларын сақтау;
• Тапсырмаларды жауапкершілікпен орындау;
• Үйірме мен университеттің беделіне нұқсан келтіретін әрекеттерге жол бермеу.

Үйірменің құрылымы және басқарылуы

Үйірменің ұйымдық құрылымына ғылыми жетекшілер, төраға, хатшы және мүшелер кіреді. Ғылыми жетекшілер ғылыми-әдістемелік бағытты айқындап, жұмыс жоспарын келіседі. Төраға отырыстар мен іс-шараларды ұйымдастырады. Хатшы хаттамалар мен ішкі құжаттаманы жүргізеді.

Үйірмеге мүшелік

Үйірме жұмысына тұрақты қатысуға дайын университет студенттері мүше бола алады. Оқытушылар мен инженерлік сала мамандары кеңесші ретінде шақырылуы мүмкін.

Үйірме мүшелері:

• Торебай Жансая — ТМО-25-1.1к;
• Амангельдиев Аман Маратович — ТМО-24-1к;
• Горохова Кристина Сергеевна — ТМО-25-1р;
• Пляшник Владимир Иванович — ТМО-25-1р;
• Куаныш Саят Алиханұлы — ТМО-23-1к;
• Сали Жанаділ Жамбылұлы — ТМО-23-1к;
• Саламат Ақбота Алмасқызы — ТМО-25-1.2к.

2026–2027 оқу жылына арналған жұмыс жоспары: