Білім беру бағдарламасының мақсаты ғылыми-зерттеу және талдау жұмыстарына, педагогикалық қызметке қатысуға қабілетті ақпараттық технологиялар саласындағы терең құзыреттіліктері бар цифрлық коммуникация саласындағы жетекші ғылыми-техникалық мамандарды даярлау болып табылады.

Білім беру бағдарламасының міндеттері:

• ИТ-компаниялардың зерттеу бөлімшелері мен ғылыми ұйымдарда жұмыс істеу үшін мамандар даярлау;
• Қазіргі заманғы ақпараттық және телекоммуникациялық технологиялар саласындағы ғылыми зерттеулер мен әзірлемелерді жүргізу дағдыларын меңгеру;
• Әр түрлі мақсаттағы ақпараттық-есептеу жүйелеріне арналған бағдарламалық қамтамасыз етудің индустриалды өндіріс технологиялары саласындағы кәсіби мамандарды тереңдетіп даярлау;
• Докторантураға түсу үшін магистранттардың маңызды ғылыми қорын қамтамасыз ету.

Білім беру бағдарламасы түлегінің негізгі құзыреттері:

1. Кәсіби және техникалық құзыреттер:

• Цифрлық жүйелерді жобалау — заманауи цифрлық коммуникация желілері мен ақпараттық технологиялардың архитектурасын жобалау, әзірлеу және оларды өндірістік немесе бизнес-процестерге интеграциялау дағдылары;
• Бағдарламалық және аппараттық қамтамасыз ету — цифрлық құрылғылар мен байланыс жүйелерін басқаруға арналған мамандандырылған бағдарламалық өнімдерді, алгоритмдерді және автоматтандырылған жүйелерді тиімді пайдалану және жетілдіру;
• Деректерді талдау және өңдеу — үлкен көлемдегі деректерді (Big Data) жинау, талдау, қауіпсіздігін қамтамасыз ету және цифрлық коммуникациялардың тиімділігін арттыру мақсатында шешімдер қабылдау;
• Энергия үнемдеу және қауіпсіздік — цифрлық инженерия мен байланыс тораптарын іске қосу кезінде ақпараттық қауіпсіздік стандарттарын, ресурстарды үнемдеу және қоршаған ортаны қорғау талаптарын қатаң сақтау.

2. Инженерия және ғылыми-зерттеу қызметі:

• Инновациялық технологияларды енгізу — өндірістік және коммуникациялық салалардағы озық ғылыми жетістіктер мен жаңа технологиялық үрдістерді практикада қолдана білу;
• Мәселелерді шешу — күрделі техникалық міндеттерді шешу барысында жүйелі көзқарасты қолдану, эксперименттер жүргізу және олардың нәтижелерін ғылыми-тәжірибелік тұрғыдан негіздеу.

3. Әлеуметтік-коммуникативтік және басқарушылық құзыреттер:

• Кәсіби коммуникация — кәсіби ортада, көпұлтты командаларда және әртүрлі деңгейдегі ұйымдарда ауызша және жазбаша түрде тиімді ақпарат алмасу, жобаларды басқару;
• Үздіксіз кәсіби даму — технологиялардың қарқынды өзгеру жағдайында өз бетінше білім алу, біліктілікті арттыру және жаңа цифрлық құралдарды жедел меңгеру қабілеті.

Кәсіби қызметінің объектілері:

Ғылыми-зерттеу институттары; есептеу техникасы мен бағдарламалық қамтамасыз етуді әзірлейтін, енгізетін және пайдаланатын мемлекеттік және жеке кәсіпорындар мен ұйымдар, атап айтқанда: машина жасау, металлургия, көлік, телекоммуникация, ғылым және білім беру, денсаулық сақтау, ауыл шаруашылығы, қызмет көрсету, әкімшілік басқару, экономика, бизнес, әртүрлі технологияларды басқару, яғни іс жүзінде адам қызметінің барлық салалары, мемлекеттік және мемлекеттік емес бейіндегі жоғары оқу орындарында, орта арнаулы және басқа да оқу орындарында педагогикалық қызмет.

Кәсіби практика және жұмысқа орналастыру:

«Ғарыштық техника және технологиялар институты» ЖШС, ҚР БҒМ ҒК «Ақпараттық және есептеу технологиялары институты» ШЖҚ РМК, «Қазақстан Республикасының Ұлттық Инженерлік академиясы» РҚБ, Қ.И. Сәтбаев атындағы Қазақ ұлттық техникалық зерттеу университеті, «IT Project Company» ЖШС, «КомИнжиниринг» ЖШС, «Академсеть» ЖШС, «Бителеком» өнеркәсіп-құрылыс телефон компаниясы» акционерлік қоғамы және басқалары.

Оқытудың негізгі нәтижелері:

• Заманауи киберқауіпсіздік әдістері мен құралдарын пайдалана отырып, телекоммуникациялық жүйелердегі ақпаратты қорғауды қамтамасыз ету;
• Сымсыз байланыс саласында заманауи технологиялар мен стандарттарды қолдану;
• Сигналдарды модуляциялау, кодтау және сүзу мәселелерін шешу үшін нейрондық модельдерді қолдану;
• Желілік трафикті талдау үшін машиналық оқыту модельдерін жасау;
• Телекоммуникациялық процестерді талдау, бақылау және болжау үшін үлкен деректер технологияларын, бұлттық шешімдерді және есептеу платформаларын пайдалану;
• Бағдарламалық құралдар мен IT-жобаларды әзірлеуді тиімді басқаруды жүзеге асыру;
• Цифрлық және зияткерлік технологияларды пайдалана отырып, телекоммуникациялық жүйелерді талдау мен жобалаудың заманауи әдістері мен алгоритмдерін қолдану;
• Ғылыми танымның қазіргі жай-күйі мен даму тенденциялары туралы терең білімді, сондай-ақ кәсіби қарым-қатынас және мәдениетаралық коммуникация, шешендік өнер, ауызша және жазбаша түрде ойларды дұрыс және қисынды ресімдеу дағдыларын көрсету;
• Киберқауіптер, кедергілер және жоғары жүктемелер жағдайында телекоммуникациялық жүйелердің тұрақтылығын қамтамасыз ету;
• Телекоммуникациялық процестерді оңтайландыру, желілік ресурстарды басқару және тұрақты байланысты қамтамасыз ету үшін интеллектуалды алгоритмдерді әзірлеу.

Жұмыс берушілер тізімі: