Университет барлық білім алушылар мен қызметкерлер үшін ашық және қауіпсіз орта қалыптастыра отырып, Теңдік, әртүрлілік және инклюзивтілік қағидаттарын ұстанады.

Саясатты іске асыру аясында университет:

• Білім алуға және мансапқа тең қолжетімділікті кепілдендіреді;
• Кемсітушілік пен харассменттің алдын алады;
• Инклюзивті білім беру ортасын қалыптастырады;
• Мәдени және әлеуметтік әртүрлілікті қолдайды;
• Гендерлік теңдікті дамытады;
• Осведомленность пен құзыреттілікті арттырады.

Университетте теңдік, әртүрлілік және инклюзивтілік (EDI) саясатын іске асыруды қамтамасыз ететін консультативтік-кеңесші орган болып табылатын Теңдік және инклюзивтілік жөніндегі комитет жұмыс істейді.

Комитеттің негізгі міндеттері:

• Теңдік және инклюзивтілік саласындағы саясатты әзірлеу және оның іске асырылуын мониторингілеу;
• Кемсітушілік, теңсіздік және кедергілердің ықтимал жағдайларын анықтау және талдау;
• Инклюзивті ортаны жақсарту бойынша ұсыныстарды қарастыру;
• Осал топтарды қолдауға бағытталған бастамаларды үйлестіру;
• Оқыту іс-шараларын, тренингтер мен науқандарды ұйымдастыру;
• Гендерлік теңдік пен кемсітпеушілік қағидаттарын енгізуге жәрдемдесу;
• Студенттермен, қызметкерлермен және сыртқы мүдделі тараптармен өзара іс-қимыл жасау.

Университет әрбір білім алушы үшін сапалы білімге тең қолжетімділікті қамтамасыз ететін Инклюзивті білім беру туралы ережені іске асырады.

Осы Ереже аясында университет:

• Білім беру бағдарламаларына тең қолжетімділікті қамтамасыз етеді;
• Оқу материалдарын білім алушылардың қажеттіліктеріне бейімдейді;
• Оқытуда жеке тәсілді енгізеді;
• Қолжетімді инфрақұрылымды дамытады;
• Ерекше қажеттіліктері бар студенттерге қолдау көрсетеді;
• Оқытушылардың біліктілігін арттырады.

Ерекше білім беру қажеттіліктері бар тұлғаларды (ЕБҚ) қолдау
Университет ерекше білім беру қажеттіліктері бар тұлғаларға қолдау көрсетіп, оқыту мен дамудың тең мүмкіндіктерін қамтамасыз ететін қолжетімді, қауіпсіз және инклюзивті білім беру ортасын қалыптастырады.

Қолдау саясаты оқудағы кедергілерді жоюға және білім беру ресурстарына, инфрақұрылымға және академиялық мүмкіндіктерге тең қолжетімділікті қамтамасыз етуге бағытталған.

ЕБҚ бар тұлғаларды қолдау аясында университет:

• Қолжетімді білім беру инфрақұрылымын қамтамасыз етеді (пандустар, лифттер, бейімделген аудиториялар және т.б.);
• Бейімделген оқу материалдары мен оқыту технологияларын ұсынады;
• Оқыту мен бағалауда жеке тәсілді жүзеге асырады;
• Психологиялық-педагогикалық және кеңестік қолдау көрсетеді;
• Инклюзивті өзара әрекеттесу мен әлеуметтік интеграцияға ықпал етеді;
• Оқытушыларды инклюзивті білім беру қағидаттарына оқытады;
• Студенттерге оқу барысының барлық кезеңінде сүйемелдеу мен қолдау көрсетеді;
• Кешенді көмек көрсету үшін бейінді ұйымдармен және мамандармен өзара әрекеттеседі.

Университет әрбір білім алушы өз жеке ерекшеліктеріне қарамастан өз әлеуетін толық жүзеге асыра алатын орта қалыптастыруға ұмтылады.

«Күміс университет»
Қарт адамдар үшін инклюзивті орта құруға бағытталған халықаралық қозғалыс. Жоба егде жастағы адамдарға заманауи өмір ырғағына сәтті бейімделуге көмектесе отырып, үздіксіз өз бетінше білім алу мен тұлғалық дамуға жол ашады.

Жобаның миссиясы: Қоғамды дамыту стратегиясы аясында зейнеткерлік жастағы азаматтарды белсенді әлеуметтік өмірге тарту және олардың өзін-өзі жүзеге асыруы үшін жағдай жасау мақсатында үйреншікті білім беру форматтарын трансформациялау.

Негізгі міндеттері:

• Белсенді ұзақ ғұмыр: Жоғары өмірлік энергия кезеңін ұзарту және өмірге деген оң көзқарасты сақтау.
• Әлеуметтік интеграция: Араласу үшін жанды орта қалыптастыру, оқшаулануды жеңу және ұрпақтар арасындағы байланысты нығайту.
• Өмір сапасы: Физикалық белсенділік деңгейін арттыру, салауатты өмір салтын насихаттау және ментальды саулыққа қамқорлық жасау.
• Интеллектуалды даму: Оқыту арқылы шығармашылық әлеуетті ашу және когнитивті қабілеттерді қолдау.
• Тиімді серіктестік: Егде жастағы адамдардың әл-ауқатын жақсарту үшін кешенді қолдау және өзара іс-қимыл жүйесін құру.

Халықаралық инженерлік-технологиялық университеті (ХИТУ) әрбір студент үшін салауатты өмір салтын басты нормаға айналдыру мақсатында кешенді жұмыстар атқаруда. Университетте алғашқы медициналық көмек көрсетуге және қажет болған жағдайда бейінді медициналық мекемелермен жедел байланысуға мүмкіндік беретін заманауи медициналық пункттер жабдықталған.

«DostarMed» студенттік дәрігерлік амбулаториясы
Университет базасында «DostarMed» студенттік амбулаториясы сәтті жұмыс істеп келеді. Бұл орталық студенттер мен қызметкерлерге келесі бағыттар бойынша кәсіби көмек көрсетеді:

• Шұғыл медициналық көмек: Жазатайым оқиғалар, өткір аурулар мен жарақаттар кезінде дәрігерге дейінгі алғашқы көмек көрсету, жедел жәрдем шақыру немесе мамандандырылған емдеу мекемелеріне жолдама беру.
• Емдеу процедуралары: Дәрігерлердің нұсқауы бойынша қажетті дәрі-дәрмектер мен шығыс материалдарын қолдана отырып, емдік шараларды (соның ішінде инъекцияларды) жүргізу.
• Кәсіби мамандар: Медициналық қызметті жоғары және бірінші біліктілік санаттағы дәрігерлер мен үлкен тәжірибесі бар мейірбикелер жүзеге асырады.

Сапа стандарттары мен қауіпсіздік
Барлық медициналық қызметтер Қазақстан Республикасының қолданыстағы заңнамасына, сапа мен қауіпсіздік талаптарына және медициналық көмек көрсету стандарттарына толық сәйкес келеді. Бұл кампус аумағында көрсетілетін қызметтердің сенімділігі мен жоғары деңгейін кепілдендіреді.

Профилактика және қоғамдық денсаулық
ХИТУ қауіпсіз білім беру ортасын қалыптастыру үшін алдын алу шараларына ерекше көңіл бөледі:

• Вакцинация: Ұлттық екпе күнтізбесіне сәйкес студенттер мен қызметкерлерге жоспарлы және маусымдық вакцинация жүргізіледі.
• Санитарлық қауіпсіздік: Эпидемияға қарсы іс-шаралар жүйелі түрде іске асырылады. Тиісті ұйымдармен жасалған шарттар негізінде университет ғимараттарында тұрақты түрде дезинфекциялау, дератизациялау және дезинсекциялау жұмыстары жүргізіліп тұрады.
• Кеңес беру: Студенттер мен оқытушылар құрамының физикалық және менталды саулығын қолдау мақсатында тұрақты медициналық кеңес беру жүйесі жолға қойылған.

Сыбайлас жемқорлыққа қарсы саясат

Университет ашықтық, адалдық және сыбайлас жемқорлыққа нөлдік төзімділік қағидаттарын ұстана отырып, кез келген сыбайлас жемқорлық құқық бұзушылықтарының алдын алуға, оларды анықтауға және жолын кесуге бағытталған сыбайлас жемқорлыққа қарсы саясатты жүзеге асырады.

Бұл саясат университеттің барлық қызметкерлеріне,білім алушыларына және серіктестеріне қолданылады және корпоративтік басқару менішкі бақылау жүйесінің ажырамас бөлігі болып табылады.

Сыбайлас жемқорлыққа қарсы саясатты іске асыру аясында университет:

• Басқарушылық және қаржылық процестердің ашықтығын қамтамасыз етеді;
• Мүдделер қақтығысының алдын алады және оныашу тәртібін реттейді;
• Ішкі бақылау және аудит тетіктерін енгізеді;
• Жұмысқа қабылдау, оқу және бағалау кезінде тең және әділ жағдайларды қамтамасыз етеді;
• Қызметкерлер мен студенттерді оқыту және ақпараттандыру арқылы сыбайлас жемқорлыққа қарсы мәдениетті дамытады;
• Құқық бұзушылықтар туралы хабарлау арналарының жұмыс істеуін қамтамасыз етеді (соның ішінде анонимді түрде);
• Құқық бұзушылықтар туралы хабарлаған тұлғаларды қорғауға кепілдік береді;
• Сыбайлас жемқорлық тәуекелдерін тұрақты түрде мониторингтеп, бағалайды.

Университет адалдық, жауапкершілік және заң үстемдігі қағидаттарына негізделген ортаны қалыптастыруға ұмтылады.

Жемқорлыққа қарсы саясат

Университет жемқорлыққа нөлдік төзімділік қағидатын ұстана отырып, барлық қызмет салаларында ашықтықты, адалдықты және есептілікті қамтамасыз етеді. Жемқорлыққа қарсы саясат пара беру және пара алу фактілерінің, сондай-ақ өзге де заңсыз сыйақы түрлерінің алдын алуға, оларды анықтауға және жолын кесуге бағытталған.

Бұл саясат университеттің қызметкерлеріне, білім алушыларына, сондай-ақ барлық іскерлік серіктестеріне қолданылады.

Саясатты іске асыру аясында университет:

• Тікелей және жанама төлемдерді, артықшылық алу мақсатындағы сыйлықтар мен қызметтерді қоса алғанда, жемқорлықтың кез келген түріне тыйым салады;
• Іскерлік сыйлықтар мен өкілдік шығындарды реттеп, рұқсат етілетін нормалар мен шектеулерді белгілейді;
• Мүдделер қақтығысының алдын алады және оны міндетті түрде ашуды талап етеді;
• Сатып алу, жұмысқа қабылдау және академиялық қызмет үдерістерінің ашықтығын қамтамасыз етеді;
• Ішкі бақылау және комплаенс-тетіктерін енгізеді;
• Бұзушылықтар туралы хабарлау үшін қауіпсіз арналарды (соның ішінде анонимді түрде) қамтамасыз етеді;
• Бұзушылықтар туралы хабарлаған тұлғаларды қорғауға кепілдік береді;
• Қызметкерлер мен студенттерді сыбайлас жемқорлыққа қарсы және іскерлік этика мәселелері бойынша тұрақты оқытуды жүргізеді;
• Жемқорлық тәуекелдерін мониторингтеп, бағалайды.

Профессорлық-оқытушылық құрамның (ПОҚ) ар-намыс кодексі

Профессорлық-оқытушылық құрамның ар-намыс кодексі жоғары академиялық мәдениетті қалыптастыруға, кәсіби этиканы дамытуға және университет қызметіне деген сенімді нығайтуға бағытталған.

Кодекс оқытушылар менғылыми қызметкерлердің мінез-құлық қағидаттарын айқындай отырып, академиялық адалдық, жауапкершілік және білім беру үдерісіне қатысушылардың барлығына құрмет көрсету нормаларының сақталуын қамтамасыз етеді.

Университеттің профессорлық-оқытушылық құрамы өз қызметінде:

• Академиялық адалдық қағидаттарын сақтайды және плагиатқа, деректерді бұрмалауға және өзге де адал емес тәжірибелерге жол бермейді;
• Білім беру және ғылыми қызметте жоғары кәсібилік пен жауапкершілікті көрсетеді;
• Білім алушылардың білімін бағалауда объективтілік пенашықтықты қамтамасыз етеді;
• Студенттер мен әріптестердің құқықтарын, қадір-қасиетін және әртүрлілігін құрметтейді;
• Этикалық нормаларды сақтай отырып, академиялық еркіндікті қолдайды;
• Мүдделер қақтығысының алдын алады және оныашық жариялайды;
• Іскерлік қарым-қатынас пенакадемиялық этика нормаларын сақтайды;
• Инклюзивті және қауіпсіз білім беру ортасын қалыптастыруға ықпал етеді;
• Университет пен қоғамның дамуына бағытталған ғылыми және кәсіби қызметке белсенді қатысады.

Ар-намыс кодексі профессорлық-оқытушылық құрамның барлық өкілдері үшін міндетті болып табылады және университетте сенім, жауапкершілік және академиялық жетілдіру мәдениетін қалыптастырудың негізі болып табылады.

Әдеп жөніндегі комиссия

Университетте академиялық адалдық, кәсіби этика және корпоративтік құндылықтар нормаларының сақталуын қамтамасыз ететін алқалы орган - Әдеп жөніндегі комиссия жұмыс істейді.

Комиссия өз қызметін университеттің ішкі нормативтік құжаттарына сәйкес жүзеге асырады және ашық, әділ әрі жауапты академиялық ортаны қалыптастыруға бағытталған.

Әдеп жөніндегі комиссияның негізгі міндеттері:

• Академиялық адалдық пенэтикалық нормалардың бұзылу жағдайларын қарастыру;
• Мүдделер қақтығысын талдау және оның алдын алу;
• Профессорлық-оқытушылық құрамның ар-намыс кодексі мен басқа даэтикалық құжаттардың сақталуын қамтамасыз ету;
• Студенттерден, қызметкерлерден және өзге де мүдделі тұлғалардан түскен өтініштерді қарастыру;
• Этикалық жағдайларды шешу бойынша ұсынымдар әзірлеу;
• Университеттің этикалық стандарттарын әзірлеуге және жетілдіруге қатысу;
• Академиялық этика мәселелері бойынша түсіндіру және алдын алу жұмыстарын жүргізу.

Әдеп жөніндегі комиссия барлық өтініштерді объективті, тәуелсіз және құпия түрде қарауды қамтамасыз етеотырып, сенімді нығайтуға және әділдік пенадалдық қағидаттарының сақталуына ықпал етеді.

Инвестициялық саясат

Университет қаржылық ресурстарды тиімді басқаруға, тұрақты дамуды қамтамасыз етуге және ұзақ мерзімді қаржылық тұрақтылықты арттыруға бағытталған инвестициялық саясатты жүзеге асырады.

Инвестициялық қызмет ашықтық, жауапкершілік, әртараптандыру және тәуекелдерді азайту қағидаттарын ескере отырып, сондай-ақ Қазақстан Республикасының заңнамасына және университеттің ішкі нормативтік құжаттарына сәйкес жүзеге асырылады.

Инвестициялық саясат аясында университет:

• Даму стратегиясының басымдықтарын ескере отырып, қаржылық ресурстарды ұтымды бөлуді қамтамасыз етеді;
• Қаржылық тәуекелдерді төмендету мақсатында инвестициялық портфельді әртараптандырады;
• Тұрақты және әлеуметтік жауапты инвестицияларды (ESG тәсілі) қолдайды;
• Білім беру, ғылыми және инфрақұрылымдық қызметті дамытуға қаржы бөледі;
• Инвестициялық тәуекелдерді бағалау және басқару тетіктерін енгізеді;
• Инвестициялық шешімдердің ашықтығын және олардың университеттің стратегиялық мақсаттарына сәйкестігін қамтамасыз етеді;
• Инвестициялардың тиімділігіне тұрақты мониторинг жүргізеді;
• Тұрақты даму құндылықтарына қайшы келетін қызмет түрлеріне инвестиция салуды болдырмай, этикалық инвестициялау қағидаттарын сақтайды.

Инвестициялық саясат университеттің қаржылық тұрақтылығын нығайтуға, инновациялық қызметті дамытуға және білім беру мен ғылыми қызметтердің сапасын арттыруға ықпал етеді.

Университетте Тұрақты даму жөніндегі комитет жұмыс істейді. Ол тұрақты даму, экология және әлеуметтік жауапкершілік салаларындағы бастамаларды үйлестіру мен дамытуды қамтамасыз ететін алқалы орган болып табылады.

Комитет тұрақты даму қағидаттарын университеттің білім беру, ғылыми және әкімшілік қызметіне интеграциялауға ықпал етеді, сондай-ақ БҰҰ-ның Тұрақты даму мақсаттарына (SDGs) қол жеткізуге және QS сияқты халықаралық стандарттарға сәйкестікті қамтамасыз етеді.

Комитеттің негізгі міндеттері:

• Тұрақты даму саласындағы бастамаларды әзірлеу және енгізу;
• Университеттің құрылымдық бөлімшелерінің қызметін үйлестіру;
• Экологиялық, әлеуметтік және басқарушылық көрсеткіштерді (ESG) мониторингтеу;
• Тұрақты даму саласында білім беру бағдарламалары мен ғылыми зерттеулерді дамыту;
• Халықаралық рейтингтер үшін есептілік дайындау;
• Экологиялық және әлеуметтік жобаларды іске асыруға жәрдемдесу;
• Сыртқы серіктестермен және ұйымдармен өзара іс-қимыл жасау.

Тұрақты даму жөніндегі комитеттің жұмыс жоспары

I тоқсан

• Комитет құрамын қалыптастыру және бекіту;
• Тұрақты даму көрсеткіштерін талдау;
• Жұмыс басымдықтарын айқындау;
• Жылдық іс-шаралар жоспарын әзірлеу;
• Есептілікке арналған деректерді дайындау (оның ішінде QS).

II тоқсан

• Экологиялық бастамаларды іске асыру (энергия тиімділігі, қалдықтарды азайту);
• Оқыту іс-шаралары мен тренингтер өткізу;
• Тұрақты даму бойынша білім беру курстарын дамыту;
• ESG көрсеткіштері мен мониторингті енгізу.

III тоқсан

• Тұрақты даму саласындағы ғылыми және студенттік жобаларды іске асыру;
• Экологиялық акциялар мен науқандар өткізу;
• Іс-шаралардың аралық мониторингі және тиімділігін бағалау;
• Аралық есептілікті дайындау.

IV тоқсан

• Қол жеткізілген нәтижелерді талдау;
• Комитеттің жылдық есебін дайындау;
• Келесі кезеңге арналған стратегия мен жоспарларды түзету;
• Халықаралық рейтингтер мен аккредитациялар үшін деректерді дайындау.